tenpo suli la mi o sitelen e lipu ni nanpa wan. tan ni la, mi sitelen e ijo nasa ni.

sitelen ni la, mi toki e pilin mi ni: ijo seme en ijo nasa seme li kama musi Deltarune ? sina musi ala e musi ni la, o lukin ala e lipu ni a

mi wile kiwen e toki mi lon sitelen la mi pali e ni (lon tenpo 10/08/2025 )

nasin pi lon ale en "DEVICE_FRIEND"

pilin mi la, nasin nanpa wan tawa kama sona e ijo pi musi ni li nasin"Device Theory" . ona li toki e ijo tu:

  1. ma ale li insa musi insa musi insa musi insa...
  2. jan li pilin e ijo musi sama ijo lon la, ona li ken "tawa" musi ni

ijo lili la, mi pilin ala sama mama pi nasin ni. ona li toki e ni: soweli suwi pimeja nasa "DEVICE_FRIEND" li alasa e jan pona lon musi la, ona li tan musi "anpa". ni li nasa mute tawa mi a. nimi pi soweli ni li jo e nimi "DEVICE" (ilo) la, ona li kama tan musi sewi (musi "ilo") li pali tan jan-sona Gaster (jan Ralsei li toki la mi mute lukin e ni: "soweli ni li tan ma-pimeja (Dark World) ". taso, ni li nasa mute. nasin seme la ona li tan jan-sona ni?)

mi jo ala e tan, taso, pilin mi la, "Angel, Heaven" li mi li ma mi. ni la, sitelen sewi ni li pona:

"THEY'LL HEAR RING OF HEAVEN'S CALL. THEY'LL SEE THE TAIL OF HELL TAKE CRAWL."

(ona li kute e kalama tan ma sewi. ona li lukin e tawa pi linja monsi soweli tan ma anpa.)

sitelen sewi ni li jo e sitelen pi linja monsi soweli pi sike mute. lipu "Spamton Sweepstakes" li toki e ni: musi Cat Petterz li nasa li sitelen e soweli kepeken sike mute. tan ni la, "linja monsi soweli" ni li sama soweli suwi pimeja nasa. sama ni li toki e ni: soweli en mi li "utala". "utala" ni li suli tan ni: ona en mi li tan musi sewi la, ona en mi li jo e wawa mute

mi sitelen e pilin mi kepeken nasin "Device Theory" leko li musi, palisa pimeja li "musi ni li pali tan seme?", palisa loje li "nasin seme la jan li ken tawa musi?"

soweli suwi li tan "ma anpa", jan-sona li sitelen e nimi ona. ijo tu ni la, soweli li jan pona pi jan-sona

ken la, soweli ni li olin e musi li sona e jan-sona ona, taso ona li toki ala e ijo mute pi jan-sona. ken la, nimi pi soweli ni li "Ebott" , tan ni: nimi ni li ante pi nimi "Toby" , soweli ni li pimeja, "Annoying Dog" li soweli walo.

ken la, soweli suwi ni li "jan-soweli" ("fursona") pi jan-sona Gaster ? sama la jan Toby li pali e soweli walo kin.

"the Roaring Knight" en pilin ni: jan li pali e nasin pi kama moli ala la, ona li kepeken ala e ona lon tenpo wan taso.

tenpo pini la, mi pilin e ni: jan Carol li jan-utala kalama. taso, jan-utala li jo e ijo mute pi musi Baseball la, mi pilin e ni: jan Dess li jan-utala. ni li pona tan ni: jan Asriel (Undertale) en jan Dess (Deltarune) li sama.

taso, jan Dess li seme? jan mute li pilin e ni: ona li moli. taso, tan seme? nasin seme la ona li tawa lon ma-walo (Light World) ? sijelo ona li kiwen pimeja lon ma-walo anu seme?

ni li lon: "jan-utala" taso li ken pali e ma-pimeja kepeken nasin pi kama moli ala e ko pi sijelo moli.

pilin mi la: jan Carol en jan Dess "li jan-utala kalama". jan Dess li moli, ko moli ona li kama kiwen, mama ona li tawa e ona li pali e ma-pimeja.

tan ni la, jan Carol en jan Kris li wile e "kalama wawa" (the Roaring) . kalama wawa li kama moli ala e jan ale, lon tenpo kama ale.

"The Forgotten Man"

¯\_(ツ)_/¯

ona li ... meso mute la, ona li suli li suli ala, ona li sama jan-sona Gaster li sama ala. ken la, jan ala ken kama sona e jan ni.

jan-sona li pali e soweli suwi FRIEND la, jan-sona li ken pali e jan sama jan-sona. jan Toby li pali e jan-sona (jan nasa pi ijo len), jan-sona li pali e jan pi sike mama (jan nasa pi ijo len)...

"Friend Inside Me" anu "Neo Woody Theory"

tenpo pini la, jan mute li pilin e ni: jan ike, sama jan musi Woody (Toy Story), li lon kipisi nanpa tu wan pi musi Deltarune , taso, ona li lon ala. taso, (pilin mi la,) ona li kama a

jan pi ilo sitelen Shuttah wan li toki e ni: tenpo pini la ma-pimeja li jo e ijo pimeja walo mute, kule li kama la jan mute li weka. kin la, jan Tenna li toki e ni: jan Asgore li olin e sitelen tawa pimeja walo pi jan musi pi tenpo pini. mi sona e ni: kipisi nanpa luka pi musi Deltarune li lon tomo kasi. ken la, jan Asgore li tawa e sitelen tawa ni tawa tomo kasi ona, ni la...

kin la mi wile toki e ni: mi sona e jan ante pi toki sama jan musi ni, e jan ante poka jan Asgore , e jan ante lon tomo kasi. kasiFlowey.

mi musi, mi jo ala e tan, taso, mi wile e ni a a a