jan [suli: jelo anu:]. jan lawa pi len sinpin ala. jan toki pi jan-weka

mi o pali e ni la mi pali ala lon tenpo mute a a a. taso tenpo ni la mi pini e ona a

jan [suli: jelo anu:] li jan pi ma musi mi [tenpo en kama o nasa]. ona li jan utala suli li jan pi pilin kiwen lon ma tomo Poço das Conchas . nimi ni li sama "lupa telo pi tomo kala". ma tomo ni li lon ma pi kulupu jan pi len sinpin kasi anu "kulupu kasi". kulupu ni li lon telo suli pi telo ala. jan [suli] li lukin e jan sewi lili tu lon open pi tenpo suno seli lon tenpo sike nanpa 29414 lon "lipu tenpo pini". sina wile la tenpo sike nanpa 891 lon "lipu tenpo pi kama sin". lukin ni la ona li kama jo e sona sewi

lukin ni la, ona li kama sona e ni: tenpo pini la sewi mute li utala. "nasin sewi mute pi utala ale" li nasin sewi pi jan pi ma ni lon tenpo ona li toki e ijo sama ni. taso sona pi jan [suli] la jan li ike mute la sewi mute li pini utala li wile moli e ma li wile tawa e utala tawa mun ante. sewi mute li pona la jan-weka li toki e ni: "moli pi kon jan li ike mute. taso, jan pona li ken jo e moli kon pona"

jan [suli] li open pana e nasin ona tawa jan mute la "jan lawa pi sike walo" li toki e ni: "jan pi nasin sewi mute pi utala ale li ike tawa mi la mi o pona tawa sina". len la jan lawa li pona tawa jan jan [suli] li suli e nasin sewi ona. tenpo wan la jan lawa li weka e jan pi nasin sewi mute li suli e jan [suli]. ona tu li kama jo e ma mute pi kulupu kasi

"jan lawa pi sike walo" li moli lon tenpo sike nanpa 29441 la jan [suli] li kama jan lawa. jan lawa ale la ona li jan lawa nanpa wan pi len sinpin ala. len sinpin li len suli pi jan lawa tan nasin sewi mute pi utala ale. ona li kama jo e ma mute pi kulupu jan pi len sinpin lipu. jan [suli] li ante e kulupu pi jan utala pi ma tomo Poço das Conchas la kulupu ni li kama "kulupu pi nasin sewi pi tenpo pini". kulupu ni li kulupu pi nasin sewi [suli: jelo anu:] nanpa wan. utala wan la jan mute li lukin e ni: sewi laso li kama nasa li moku e jan [suli]. ni la kulupu pi nasin sewi pi tenpo pini li toki e ni: "jan-weka li weka e sijelo ona e kon ona". taso sina toki tawa jan mute la ona li toki e ni: "tenpo kama la jan [suli] li kama li lawa e mi mute lon utala pi nanpa pini"

ken la mi pali e jan ni tan kalama musi Curicó . mi kute e ona lon tenpo mute. taso mi kute ala e nimi pi kalama musi ni. mi kute e nimi ni la mi pilin e ni: jan "Julia" en jan "mi perlina" li jo e nimi sama nimi pi jan mi a a a

"wawa nasa" li kama jo e jan la jan ni li kama jo e oko pi laso loje. kule ni li sama mun oko

sin: mi pakala mute a! lipu ni la mi toki ala e ni: mi pali e sitelen ni kepeken sitelen pi jan ante

sin nanpa tu: tenpo sike pini la mi pali e sinpin ike. taso tenpo ni la mi pona e ona