jan [taso,, li,, tan,,]

sitelen ni li jo e monsuta nasa, sijelo ona li palisa, selo ona li walo sama selo jan. ona li jo e oko lon palisa, e uta kiwen, e luka tan anpa sitelen. kiwen nasa sama ilo kon li insa sijelo ona. ona li jo e len loje walo kili, e poki walo, e luka len walo e sinpin len walo. lupa pi sinpin len ni la jan li ken lukin e oko ona e uta ona. ona li pilin ike, li len e sinpin ona kepeken luka ona.

mi wile sitelen e sitelen pi jan ala la mi sitelen e ni. mi lukin e sitelen tawa pi jan Babelingua la mi sitelen e sijelo pi jan [taso,, li,, tan,,]

sitelen ni li jo e tan lili. sitelen ni la ona li pilin ike tan ni: ona li sona ala la jan li tawa ona. tan ni la sina ken lukin e uta ona insa lupa oko pi sinpin len ona. sitelen monsi ona li tan ala

tenpo ni li poka tenpo pali pi sitelen ni ala la, mi kama sona e pilin ni: mi tawa tomo sona suli lon tenpo sike ni la sitelen ni li jasima mi li jasima pi pilin ike li jasima pi pilin monsuta