ijo lili mute li lon lipu ni ala. sina wile lukin e ona la o ante e toki pi lipu ni

toki [mun, en,, pimeja, en, ken,,,] (Mencprekenn) anu toki [tomo o sona ijo] sin li sama "toki+jan" li toki pali mi. mi pali e toki ni tawa ma musi AFORA. ona li musi tan jan pona mi li musi pi tenpo kama li musi monsuta sona

jan li tawa mun [lupa,, nasa,,] tan pakala pi ma [telo en laso ala] lon tenpo sike 2020 la jan pali pi kulupu tawa mun STAG li pali e toki ni. tenpo pi jan lon mun [lupa,, nasa,,] la kulupu lawa mun li ilo e toki ni. kulupu ni li wawa mute li lawa e mun ale. kulupu ni li pali e lipu lawa pi toki ni: lipu lawa "sona". kulupu ni li wile e ni: toki pi tenpo pini la toki ni li kama ante

"[...] das ge'manic cprekenn ,in nictainzaintenn mainung fon aler vahrer mencenn ,habenn am moralstenn rictiger suh gehbenn suh Mencaht helfenncprekenn bohn fon zain vuhm ,junivahsellcprekenn in gaist fon logik" -Wacher Celon, 2080

toki ni li sama: "[...] pilin pi jan pona ale la toki pi kulupu toki "Germanic" o pana tawa jan e toki pi jan ale e toki tan sona"

toki [mun, en,, pimeja, en, ken,,,] li tan toki [ilo nanpa lawa ike] li tan toki [tomo o sona ijo]. ilo la nimi li tan toki [tomo]. ni la nimi "ve'ksoik" li tan nimi"Werkzeug". taso pilin la nimi li tan toki [ ilo nanpa lawa ike]. ni la nimi "drihm" li tan nimi "dream" . nasin toki pi toki [mun] li sama toki [ilo nanpa lawa ike]

lipu pi musi AFORA la lipu pi toki ni li lon toki [poka,, tu,, ken,,]. lipu ni li sama ona

pali mi ale la pali pi toki [mun] li kiwen tan ni: toki ni li jo e ijo mute pi sona suli. namako la mi pali ala e toki pali suli lon tenpo pini. toki ni li ante e ijo pi musi AFORA pi tenpo pini. pilin mi la toki ni li toki nanpa wan ala. taso ona li pona tawa mi

tenpo pini:

tenpo pini la jan pi toki [ilo nanpa lawaike] lon ma tomo pi mun [lupa,, nasa,,] li jo e mani lili e ale ike. jan pi toki [tomo o sona ijo] li lawa li olin e toki ona. jan pi toki [ilo] li pali e toki sin ona la nimi mute li kama tan toki [ilo]. toki ni la nasin nimi li tan toki [tomo]. tenpo 2050 la jan mute li kama toki e toki ni

tawa tenpo la toki ni li ante lili tawa toki [tomo] tan ni: kulupu jan wawa li kama toki kepeken ona. tenpo 2050 tawa tenpo 2080 la jan lawa Wacher Celon pi kulupu lawa mun li kama wawa e toki ni. ona li wile e kon kulupu "jan" sin. kon kulupu pi tenpo pini la kon ni li ante. kon ni la kulupu lawa mun li pali e nasin pi toki ni tawa jan ona ale li pali e "nasin pona" tawa toki ni: nasin toki "Standaht.zagenn" (SZ)

jan li tawa mun mute la toki ni li tawa mun pi kulupu STAG. tenpo ni la nimi ona li kulupu CALAL. mun pi mani mute la nasin toki "pona" li lon. mun ni li mun [esun laso open pi ante] li mun [ma awen sin ike] li mun [walo e nasa utala]. jan pi mani lili la nasin toki "ike" li lon li poka toki [ilo nanpa lawa ike]. mun ni li mun [ma, en, ko,, la, ijo,, utala,] li mun lili mute ante. jan ale pi mun pi kulupu lawa mun li sona e toki [mun]. taso toki pi jan mute li poka toki [ilo]. nasin toki pi jan mute la nasin toki pi jan pi mani mute li "toki [tomo]". nasin toki pi jan pi mani lili li "toki [ilo]"

kipisi sitelen