jan-weka en jan-musi

sitelen ni li jo e kipisi 3, sewi la sike loje li jo e oko suli li monsi ko sewi. poka la ma seli li jo e mije pi len loje, ona li pilin ike li jo e linja lawa loje e selo walo. sinpin pi laso sewi la sina ken ala lukin e ona, taso ona li ken len e suno kepeken lawa ona. poka ante la monsuta sama jan li jo e luka pimeja mute, luka ni li jo e palisa luka mute. monsuta li jo e len pi tenpo pona tan ma Venezia, len ni li pimeja li jo e ijo lili pi kule mute. monsuta li jo e len sinpin pimeja pi uta sama mun li jo e ilo pi sitelen musi.

ni li tan ma musi mi, nimi ona li ma musi [_tenpo_en_kama_o_nasa] (Dhegom) (ken la mi toki lon tenpo kama e ijo namako ona). sitelen ni li sitelen tan nasin sewi [_sewi_utala_lukin_insa_jelo_ante_nasin_utala] (Julianismo). ijo lili: mi wile pali e kulupu sitelen pi nasin sewi tawa ma musi ni. namako la, tenpo kama la mi sitelen e mama pi nasin sewi ni, jan [_sewi_utala_lukin_insa_jelo_ante_nasin_utala] (Juliano Magno) lon lipu mi. sitelen ni li kama pona mute ;3

toki lili la, ma musi [_tenpo_en_kama_o_nasa] li jo e wawa nasa tu. ona li kama tan sewi, tawa ma. (ona li kama tan mun oko. tenpo nasa la mun ni li lon sewi), wawa nasa tu li sinpin tu pi nimi "ante": weka (wawa suwi pi kama pini) en kule (wawa utala pi kama sin). "sona sewi" li lon ma musi ni (taso, sona ni li nasa li ike). monsuta wawa mute li lon ma ni. tenpo pini la kipisi pi monsuta ni li jan.

nasin sewi [_sewi_utala_lukin_insa_jelo_ante_nasin_utala] la, jan-weka (weka) en jan-musi (kule) li jan sewi tu li sinpin tu pi jan sewi wan, jan-pona ( mun oko). tenpo pini la jan-pona li kama tan ni: pilin pi jan sewi mute la jan li ike mute, jan sewi mute li weka e ma tawa jan-pona. tenpo ni la, jan o toki-sewi tawa jan-weka tawa ni: kon ona li pini suwi. tan ni la, jan-weka li jan sewi nanpa wan. jan-musi li jan sewi wawa li jan sewi ike, ona o monsuta e ona.