toki a. lipu ni la sina ken lukin e sitelen musi mi. pali sitelen li pona tawa mi. taso sitelen la mi sin. sitelen la mi kama sona e sijelo. tan ni la sitelen sin mi li kama pona. mi jan sitelen suli ala. mi sitelen taso e ma musi mi. tan ni la mi sitelen lon tenpo pi nanpa lili

ona li jo e nanpa tenpo e nimi lili ona. sina pilin e sitelen la sina ken lukin e sitelen suli e lipu pi sitelen ni:

sitelen pi jan meli. ona li jo e selo walo e linja lawa loje walo e sijelo sama jan powe musi e kiwen lawa sama soweli. len ona li walo li laso li jo e sitelen mun. ona li jo e mun musi lili lon sinpin sijelo
mi
2026-05 | sitelen pi sinpin mi
meli pi selo laso, linja lawa pimeja lili, li jo e len laso pi jan mani.
jan Ophelia Smirke
2026-01 | oc, ma musi Afora
luka li jo e lipu laso tan tenpo kama
"o toki tawa jan-nasa"
2025-06 | ma musi Tekon
sitelen pi jan lon supa kiwen sama suno. jan ni li jo e len walo pi jan lawa. ona li jo e selo pimeja e linja lawa mute e linja sinpin mute e oko laso loje. monsi ona la, palisa kiwen suli en sewi laso en kasi moli li lon.
jan [suli: jelo anu:]. jan lawa pi len sinpin ala. jan toki pi jan-weka
2025-01 | ma musi Tekon, oc
sitelen ni li jo e kipisi 3, sewi la sike loje li jo e oko suli li monsi ko sewi. poka la ma seli li jo e mije pi len loje, ona li pilin ike li jo e linja lawa loje e selo walo. sinpin pi laso sewi la sina ken ala lukin e ona, taso ona li ken len e suno kepeken lawa ona. poka ante la monsuta sama jan li jo e luka pimeja mute, luka ni li jo e palisa luka mute. monsuta li jo e len pi tenpo pona tan ma Venezia, len ni li pimeja li jo e ijo lili pi kule mute. monsuta li jo e len sinpin pimeja pi uta sama mun li jo e ilo pi sitelen musi.
jan-weka en jan-musi
2024-09 | ma musi Tekon
sitelen ni li jo e monsuta nasa, sijelo ona li palisa, selo ona li walo sama selo jan. ona li jo e oko lon palisa, e uta kiwen, e luka tan anpa sitelen. kiwen nasa sama ilo kon li insa sijelo ona. ona li jo e len loje walo kili, e poki walo, e luka len walo e sinpin len walo. lupa pi sinpin len ni la jan li ken lukin e oko ona e uta ona. ona li pilin ike, li len e sinpin ona kepeken luka ona.
jan [taso,, li,, tan,,]
2024-02 | oc
sitelen pi jan soweli. ona li jo e linja selo walo, e linja lawa pimeja e len pimeja
jan soweli la mi
2023-12 | sitelen pi sinpin mi
sitelen pi jan nasa sama jan sewi. ona li meli pi selo pimeja li jo e linja lawa walo, e luka pi nasa mute, e luka monsi loje pi tawa sewi. monsi ona la, mun mute li sama sike lawa pi jan sewi. tomo tawa sewi mute li tan kulupu mun suno li tawa kulupu mun ante li pakala e mun ona.
jan sewi [luka,,] tan ma [poka,,, open,, ijo,, e,]. jan sewi pi moli mun
2023-03 | ma musi, oc